Pak minuta më parë është bërë peshimi i boksierëve dhe hedhur shorti i ndeshjeve të turit të parë të Kampionatit Europian të 22 vjeçarëve që starton sot në Targu të Rumanisë.
Në këtë kampionat siç është bërë e njohur, marrin pjesë edhe tre boksierë të kombëtares shqiptare dhe pikërisht Krenar Zeneli, Arjon Kajoshi dhe Albert Kapaj.
Sipas shortit të hedhur, Zeneli do të ndeshet nesër përballë një boksieri çek në peshën 56 kg.
Ndërsa Kajoshit ne peshen 75 kg shorti i ka rënë të ndeshet me një boksier italian, ndeshje që do të zhvillohet po nesër.
Me fat ka rezultuar boksieri tjetër i jonë, Albert Kapaj që për peshën +91 kg, ka kaluar direkt në turin e dytë ku do të ndeshet me fituesin e çiftit në mes një boksieri rumun dhe një francezi.
Padyshim që shpresat janë të mëdha për t’iu afruar zonës së medaljeve për të tre sportistët tanë.
Një vit më parë, Zeneli u rendit i pesti ndërsa Kajoshi i shtati, ndonëse kanë qenë një vit më të vegjël në moshë.
Sivjet është më ndryshe dhe për më tepër, janë stërvitur denjësisht duke shpresuar të realizojnë ëndërrën e madhe.
www.shkodrasport.com
