Alvaro Morata dhe Chelsea duket se janë drejt divorcit përfundimtar, ose të paktën deri në fund të sezonit. Sinjali ka ardhur në derbin e Londrës ndaj Ëatfordit, ku në “Stamford Bridge”, sulmuesi spanjoll është akomoduar në tribunë dhe nuk është në fushë. Trajneri italian ka preferuar Hazard si sulmues të fshehur vetëm e vetëm për të mos e thërritur në stol ish-lojtarin e Real Madridit.
Edhe pse kishte rikuperuar nga problemet me gjurin, Morata sërish nuk është përzgjedhur nga Sarri. Një indicje e rëndësishme kjo, sa i përket ndërthurjes së merkatos Higuain-Morata, për të cilën ka nisur të flitet shumë. Në anën tjetër, “Pipita” nuk është i lumtur si kuqezi dhe nëntë ndeshje pa shënuar janë sinjali më negativ.
Një maksi-operacion që do të përfshinte edhe Juventusin pritet të nisë në fund të dhjetorit dhe të konkretizohet javën e parë të janarit./telesport/
