Vllaznia nis te plotesohet. Pas Ardit Hoxhajt qe mund te konsiderohet perforcimi i pare ne kete merkato, tashme vjene dhe firma e mesfushorit Ardit Krymi.
Nje nga futbollistet me te spikatur te Akademise Vllaznia i cili mbylli sezonin e tij te gjashte si titullar me kuqeblute, pavaresisht ofertave qe ka patur, ka vendosur te qendroje serish ne Shkoder.
Burime prane tij bejne te ditur se Partizani ka insistuar me se shumti per te marre sherbimet e mesfushorit 24 vjeçar, por ai ka vendosur t’i qendroje serish besnik Vllaznise.
Vete lojtari ka pohuar se ka firmosur per dy vite te tjera me kete skuader, madje edhe me opsionin per nje vit te trete ne kontrate, çka do te thote se Krymi nuk ka nder mend te luaje kund tjeter perveçse ne “Loro Boriçi”.
Per kete arsye, lojtari nuk ka humbur kohe dhe pasditen e sotme ka nxituar per t’iu bashkuar ekipit ne stervitje duke ngrohur jo pak edhe trajnerin Brdariç qe e konsideron pjese te rendesishem te planeve te tij.
Rinovimi i tij padiskutim qe eshte nje lajm i mire per Vllaznine sepse tashme pas tij priten edhe firma te tjera. Kaosi i diteve te para tashme po kalohet dhe shume shpejt do te kemi nje seri firmash tek skuadra shkodrane.
www.shkodrasport.com
