Në Kategorinë e Dytë, lojtarët e huaj kanmë afro 20 vite që aderojnë, madje kanë qenë pjesë e ekipeve të Kukësit, apo Gramozit ndër të parat që kanë afruar lojtarë afrikanë.
Lojtari i parë i huaj që regjistron një prezencë me skuadrën maliqare, është japonezi, Kjota Uashida. Sulmuesi u aktivizua në minutën e 80-të, në sfidën e djeshme ndaj Delvinës.
Kështëu, klubi juglindor i Maliqit, theu ditën e djeshme në sfidën ndaj Delvinës, një “tabu” 70-vjeçare, për sa i përket futbollistëve të huaj.
I krijuar në korrik të vitit 1950, Maliqi kurrë në historinë e tij, nuk ka pasur në skuadër një futbollist të huaj.
Këtë sezon, skuadra maliqare ka afruar lojtarë të huaj me synimin për të rritur më shumë konkurencën grupit, por edhe cilësinë, duke synuar që për herë të parë të ngjitet edhe një kategori më lartë./Vipsport/
