Klubi nga Ulqini, Otranti, për herë të parë në histori ka siguruar ngjitjen në Superligën e Malit të Zi.
Ditën e djeshme Otranti barazoi me rezultatin 2-2 ndaj Mlladostit nga Podgorica në ndeshjen e kthimit të play-off, rezultat i cili i mjaftoi për të siguruar ngjitjen në elitë.
Mlladosti në fakt shënoi i pari, por reagimi i ekipit nga Ulqini ishte i shpejtë dhe ata arritën të përmbysin shifrat me anë të Shkrelës dhe Rexhës.
Deri në përfundim të takimit Mlladosti shënoi për të barazuar shifrat, por kjo nuk ishte pengesë në qëllimin e Otrantit.
Që nga sezoni i ardhshëm Superliga e Malit të Zi do të ketë pjesë të saj dy ekipe shqiptare, Deçiqin dhe Otrant Olimpik Ulqinin.Kujtojmë që sivjet Deçiqi u shpall për herë të parë kampion në Malin e Zi.
