Vllaznia e basketbollit te meshkujve ka shume ambicje dhe pretendime kete sezon. Presidenti Xhaferi ka shpenzuar shume per te ndertuar nje ekip cilesor dhe kete e tregon me se miri marrja e shtate basketbollisteve te huaj dhe po ashtu edhe e trajnerit te huaj.
Por deri tani pritshmeria e drejtuesve por edhe e publikut te zjarrte shkodran nuk ka qene aty ku duhet. “Koston” per ecurine jo ne nivelet e duhura deri me tani, i ka marre trajneri i meparshem, Nikolai Gospodinov qe eshte larguar tashme nga drejtimi i skuadres.
Ka ardhur kroati Ivankoviç qe do te mundohet te beje me mire, por sigurisht qe ne dore e kane sportistet, ata qe luajne ne fushe. Disa prej lojtareve te huaj te ardhur me buje, nuk po japin ate çfare eshte pritur prej tyre.
Evans, Voos, Harrison, Devonte e boshnjaku Barukçija nuk po bindin aq sa duhet, ndoshta edhe ngaqe u duhet ende kohe te pershtaten me njeri- tjetrin por edhe me basketbollin shqiptar.
Te vetmit qe kane treguar vlera jane Hudson dhe Perine, dy basketbollistet amerikane qe ne ndeshjet ku kane luajtur, kane treguar vlera me te larta se pjesa tjeter e ekipit. Çka do te thote se loja e Vllaznise eshte e bazuar tek ata te dy.
Mungesa e tyre ne ndeshjen ndaj Partizanit e dha efektin e vet dhe Vllaznia u mund. Kjo do te thote se nese duam ta shohim skuadren shkodrane duke fituar, syte do te jene te perqendruar veçanerisht tek dyshja Hudson- Perine. Nese ata jane ne forme, shanset per te fituar jane te medha.
www.shkodrasport.com
