Ashtu si edhe në javët më parë, edhe këtë javë Ançeloti vendosi të linte në stol Hysajn në një ndeshje të madhe dhe pikërisht ndaj Interit, tekniku italian mendoi të eksperimentonte në mbrojtje, duke vënë Kajehonin. Megjithatë, kjo vendosje nuk është se funksionoi dhe në ndeshjen e fundit të vitit 2018 ndaj Bolonjas, ai po mendon që të bëjë edhe njëherë tjetër revolucion në mbrojtje.
Pas daljes me të kuqe të Kulibalisë dhe të Insinjes, Ançeloti do të ketë një punë disi të vështirë për ndeshjen e radhës dhe me shumë gjasa, në krahun e djathtë të mbrojtjes, pritet që të jetë Hysaj. Maksimoviç që u aktivizua në takimin e djeshëm ndaj Interit, ishte disi larg pritshmërive, ndërkohë që edhe Malkuit duket se e ka humbur balotazhin ndaj Hysajt.
Mediat italiane, bëjnë me dije se me shumë gjasa do të jetë takimi i fundit i Hysajt me fanellën e Napolit duke qenë se interesimi i Çelsit sa vjen e rritet dhe në ditët në vijim, pritet që në zyrat e Napolit të vijnë edhe ofertat e para zyrtare për shërbimet e tij. /vipsport/
