Elseid Hysaj ka dhënë së fundmi një intervistë për “Radio Goal”, ku kërkon që skuadra e tij të harrojë sa më parë eliminimin në Kupën e Italisë ndaj Atalantës. Mbrojtësi shqiptar beson se grupi i bashkuar do të jetë vendimtar për të triumfuarnë kampionat. “Jemi të gjithë të nervozuar për humbjen ndaj Atalantës. Na bëri keq, por do na japë forcë për të vazhduar përpara në kampionat. Duhet ta transformojmë të keqen në të mirë në të ardhmen.
Duhet ta nisim menjëherë, që nga dueli ndaj Hellas Veronës. Të jemi agresiv dhe të bëjmë maksimumin për të fituar.
Më pëlqen shumë futbolli që bëjmë. Sarri na kërkon që të jemi të ashpër, por jemi lojtarë inteligjent dhe i kemi kuptuar gabimet tona. Kampionati është i gjatë duhet të mendojmë ndeshje pas ndeshje. Inter dhe Roma mund të futen ende në garën për titull.
Rritja- Në 2018 shpresoj që të mbetemi në krye të renditjes dhe të fitojmë shumë ndeshje. Jemi rritur shumë duke fituar ndeshje, të cilat nuk i fitonim vitet e kaluar. Jemi të ndërgjegjshëm për forcën tonë, falë punës në grup. Jemi një grup shumë i bashkuar, dhe këtë gjë e treguam edhe ndaj Krotones. /vipsport/
