Pak javë më parë, në takimin e Ligës së Kampionëve mes Mançester Junajtidit dhe Juventusit, në fushën e lojës hyri nj tifoz i cili mbante njërën dorë nga mbrapa dhe pas kontrolleve që i bë, atij iu gjetën dy pistoleta lodër.
Kjo ka ngjallur jo pak polemika në Angli në lidhje me kushtet e sigurisë në stadiume, sidomos kur bëhet fjalë për një ndeshje të tillë pasi ato pistoleta lodra, shumë mirë mund të ishin të vërteta.
Nga hetimet se si ka arritur tifozi që të futet në fushë dhe për më tepër “i armatosur”, ‘Daily Mail’ në një lajm të bërë publik ditën e sotme, raporton se tifozi nuk kishte as biletë për ndeshjen. Ai ka arritur të hyjë nga një portë e hapur, ku zakonisht hyn stafi dhe futbollistët, duke u bashkuar me grupin dhe në këtë mënyrë, i ka shpëtuar edhe kontrolleve të policisë.
Për shkak të hyrjes së tij në fushë, Mançesteri mori një gjobë e cila arrin deri në 7 mijë paund, ndërkohë që për takimin e sotme ndaj Jang Bojsit, janë marrë masa më të rrepta për mbarëvajtjen e takimit. /VipSport/
