Nuk është tallje, është plotësisht e vërtetë: Kukësi ka shpallur të padëshiruar Enea Jorgjin.
Gjyqtari i cili pak muaj më parë u bë protagonist në ndeshjen që i dha titullin kuksianëve, tashmë nuk preferohet nga këta të fundit të cilët kanë pakënaqësi me mënyrën se si i ka drejtuar në nëj ndehsje që ata e
humbën, atë kunder Kamzës.
Reagimi i klubit
Humbja e sotme ndaj Kamzës do të analizohet në detaje nga stafi teknik dhe do nxirren përgjegjësitë e gjithësecilit.
Por Futboll Klub Kukësi, shpreh indinjaten dhe protestën ndaj gjykimit të njëanshëm të ndeshjes së luajtur sot në Kukës midis FK Kukësit dhe FK Kamzës, e vlefshme për javën e 19 të Kategorisë Superiore.
Treshja e gjyqtarëve të kryesuar nga Enea Jorgji mbajti një gjykim aspak të drejtë dhe hapur në favor të Kamzës.
Ndërhyrjet e shumta ndaj lojtarëve tanë shpesh herë u toleruan dhe rasti më flagrant është ai i mosdhënies së penalltisë në minuten e 72, ku lojtari i Kamzës, Frashëri, brenda zonës prek topin me dorë.
Kjo treshe gjyqtarësh kishin vetëm një qëllim, dëmtimin e Kukësit në këtë takim.
Futboll Klub Kukësi shpall “non grata”, gjyqtarin Enea Jorgji dhe do kërkojë në ditët në vazhdim nga Komisioni i Arbitrimit që ky gjyqtar të mos gjykojë ndeshjet e Kukësit.
Gjyqtarë të blerë nga skuadra e Kamzës, por dhe me ndihmën e FSHF bënë që të zhvillohej një teatër i shëmtuar sot në stadiumin “Zeqir Ymeri” të qytetit të Kukësit.
