I doli emri edhe tek Vllaznia si nje perforcim i mundshem per repartin e sulmit ne kete merkato vere, por gjerat kane ndryshuar diten e djeshme dhe ai do te vazhdoje te jete pjese e Dinamos sepse ka arritur akordin me drejtuesit duke rinovuar kontraten.
E kemi fjalen per Lorenco Vilen. Mediat bejne te ditur se sulmuesi durrsak ka rinovuar kontratën edhe për dy vite të tjera me skuadrën që luajti sezonin e fundit dhe shënoi 6 gola.
Në fakt, ai ishte ende nën kontratë me kryeqytetasit dhe çdo klub tjetër që e donte 25-vjeçarin, duhej të paguante te klubi kryeqytetas për të marrë shërbimet e këtij lojtari. Siç bëri një vit më parë Dinamo, kur pagoi për ta marrë nga Teuta. Për Vilën pati një interesim nga Vllaznia kohët e fundit, madje u tha se kishte edhe një akord mes klubit shkodran dhe lojtarit, por tashmë ai ka rinovuar edhe për dy vjet me Dinamon.
Sulmuesi mbetet pjesë e 18 herë kampionëve të vendit dhe besimi që i ka dhënë klubi pritet ta motivojë atë më tepër për të qenë vërtet protagonist me fanellën e “Nëndetëses” sezonin e ardhshëm. Lorenco Vila u bashkua me Dinamon verën e kaluar dhe ishte titullar si me trajnerin italian Di Biaxho në fillim, ashtu edhe me Mehmetin më pas.
Përveç tij, nga titullarët e sezonit të fundit kanë qëndruar edhe portieri Sali, kapiteni Hoxha, Lorran, Gudiabi, Qefalija, Zabërgja dhe Kaçorri. Po ashtu, kanë qëndruar edhe lojtarë që kanë luajtur herë titullarë dhe herë nga stoli, si mbrojtësit Meksi, Janku dhe Mija, por edhe ndonjë tjetër.
