Tomas Strakosha pësoi një gol nga porta në portë në Ligën e Konferencës. Portieri i cili i shënoi, Ognen Kankareviç, ka thënë pas ndeshjes:
“Për mua ishte hera e parë që shënoj gol dhe padyshim që jam i lumtur. Më parë vetëm kam asistuar. Unë u nisa për të gjetur sulmuesin me topin që godita. Ishte goditje e fortë dhe me ndihmën e erës topi shkoi shumë larg.
Për Strakoshën ishte e vështirë, pasi topi kërceu në një mënyrë tjetër dhe prandaj shkoi në rrjetë. Unë u habita, nuk e kam kuptuar ende se çfarë kam bërë.
Por vetëm ne portierët e dimë sesa e vështirë është të reagosh në situata të tilla, kur nuk di se çfarë të bësh teksa topi kërcen. Për mua nuk ishte faji i Strakoshës”, u shpreh portieri i Noah.
