Vllaznia e nisi vitin 2021 me një fitore minimale 1-0 ndaj Teutës. Shkodranët i falen një goli të Ardit Hoxhajt në pjesën e dytë që i dha kështu 3 pikët Vllaznisë.
Edhe pse ngelën me 10 lojtarë, pas daljes me të kuq të Hoxhajt, Vllaznia e ruajti deri në fund rezultatin duke dalë me 3 pikë nga ky takim, por edhe duke i shkaktuar humbjen e parë Teutës në kampionat.
Me këtë fitore, shkodranët shkojnë në +9 pikë diferencë nga vendi i dytë dhe festa në dhomat e zhveshjes është e “çmendur”, por edhe ligjitime.
