Igli Tare ka qenë në vitet e fundit një nga drejtorët sportivë më të suksesshëm në Itali, duke afruar futbollistë që ndoshta nuk ndiheshin fare e më pas duke u kthyer në burime fitimesh. Superkupa e fituar pak ditë më parë, i ka dhënë të drejtë stafit teknik për të bërë edhe të tjera afrime të mundshme në merkaton duke filluar që nga janari.
Në këtë mënyrë, Tare ka zgjedhur një talent nga kampionati zviceran. Erai Ervin Komert është futbollisti që ka rënë në radarët e Igli Tares dhe drejtuesit janë të bindur se nëse Tare e ka pikasur, atëherë do të jetë një afrim i vlefshëm për të ardhmen.
Futbollisti turk aktivizohet si mbrojtës në rolin natyral dhe pikërisht ky është reparti ku skuadra po has më shumë vështirësi. Për 21-vjeçarin, mund të nisin kontaktet e para që në ditët në vijim dhe më pas të bëhet transferimi brenda janarit. /VipSport/
