Jo vetëm Riza Durmisi, drejtori sportiv i Lazios, Igli Tare gjatë ditëve të fundit po punon intensivisht për t’i servirur trajnerit Inzaghi një skuadër më të plotësuar, në vigjilje të grumbullimit të ekipit bardhekaltër.
Për këtë motiv, lazialët gjenden aktualisht të përfshirë seriozisht në dy tratativa kryesore: i pari është Mërgim Berisha, futbollisti kosovar që luan me Red Bull Salzburg.
Shqiptari nga Kosova ka pranuar ofertën e Tares, për një kontratë 5-vjeçare me pagë vjetore 1,3 milionë euro, ndërkohë që Salzburg do të arkëtojë 7,5 milionë euro nga transferimi i Berishës.
Një tratativë kjo që ka marrë edhe bekimin e trajnerit të klubit austriak.
Emri tjetër në radarin e shqiptarit Tare është ai i Wesley: vetë menaxheri i futbollistit ka konfirmuar se lojtari do të bashkohet me Lazion, pasi marrëveshja me lojtarin është arritur tashmë.
Shumë pranë konsiderohet edhe akordi me Bruges, pavarësisht interesimit të Galatasaray.
Tare ka bindur futbollistin dhe tratativa është drejt finalizimit.
Një goditje e dyfishtë kjo për Lazion, ndërkohë që çon në tre numrin e futbollistëve me kombësi shqiptare që do të mbajnë veshur fanellën bardhekaltër, të udhëhequr padyshim nga drejtori sportiv, ish-sulmuesi i Lazios dhe kombëtares së Shqipërisë, Igli Tare./telesport/
