Dinamo do të përballet ditën e sotme në transfertën e Shkodrës, ku në aktin e parë të gjysmëfinales së Kupës, do të sfidojë Vllazninë e Tomas Brdariç.
Nëse ky i fundit, si zakonisht një ditë përpara ndeshjes, doli në konferencë për shtyp duke respektuar mediat, diçka e tillë nuk ka ndodhur në ambientin blu.
Te Dinamo nuk kanë preferuar që të zhvillojnë konferencë për shtyp, kështu edhe trajneri Ilir Daja nuk është prononcuar në prag të një dueli të rëndësishëm në gjysmëfinalen e Kupës.
Nuk dihet shkaku që ka sjellë klubin blu të marrë një vendim të tillë, edhe pse në ditët e fundit ndeshja e tyre në Korçë kundër Skënderbeut është komentuar gjatë.
