Ditët janë duke u numëruar mbrapsht në Kukës, me stadiumin e ri që është pranë inaugurimit. Klubi verilindor ka postuar në rrjetet sociale një foto nga “Zeqir Ymeri” i vjetër dhe i tejmbushur, teksa japin shpresë së së shpejti dyert e “Kukësi Arena” do jenë të hapura.
“Shihemi së shpejti në shtëpi”, këtë mesazh jep Kukësi për tifozët. Kujtojmë se prej disa javësh në stadium është shtruar edhe tapeti i gjelbër, ndërsa është duke u pritur koha e nevojshme që bari të jetë në kushte perfekte për një ndeshje futbolli.
Java e ardhshme e gjen Kukësin në transfertë me Teutën, ndërsa pas sfidës me kampionët, verilindorët luajnë në shtëpi me Partizanin.
Ende nuk ka një vendim nëse ky duel do zhvillohet në “Kukësi Arena” të rindërtuar. Kjo eshte mundesia e fundit qe kukesianet ta luajne ndeshjen e pare te tyre ne stadiumin e ri, sepse ndryshe do t’u duhet te presin fundin e janarit.
