Nga Marinela MATIJA
Pritej fitorja e Vllaznise ne gjysmefinalen e pare te Kupes ndaj Dinamos, por gjithçka ne sfiden e mbremshme ne “Loro Boriçi” u mbyll ne shifrat e barabarta 0-0. Nje rezultat qe le gjithçka te hapur per takimin e kthimit ne Elbasan, por kuptohet qe shanset ndoshta nuk jane te barabarta.
Ne lidhje me kete paraqitje, problematiken e shfaqur ne lojen e kuqebluve dhe te ardhmen, ka folur ish- futbollisti i Vllaznise Altin Xhahysa, i cili ka dhene nje interviste ekskluzive per gazeten “Shkodra Sport” te cilen mund ta ndiqni:
– Xhahysa, si e keni parë ndeshjen e gjysmefinales Vllaznia perballe Dinamos dhe ate rezultat te barabarte ne perfundim te saj?
Me duhet te them se shpresoj qe Vllaznia te jete ne finale dhe po ashtu shpresoj qe te japin me te miren e saj ne ndeshjen e kthimit. Sa per takimin e mbremshem vazhdoj dhe e theksoj qe Vllaznia duhet te qarkulloje topin me shume qe te kete me siguri dhe te jete me e frikshme per kundershtarin, gje qe nuk ndodhi ne sfiden e pare ndaj Dinamos.
– Pamë një ndeshje jo shume te mire nga ana e kuqebluve, ndikuan mungesat ne rradhet e kuqebluve?
Kam folur para nje muaji qe te kemi kujdes per Balajn qe mos ta konsumojme dhe ajo pike tashme erdhi duke treguar se pa kapitenin ne fushe, skuadra e ka te veshtire te beje perpara dhe te kete shume mangesi ne repartin ofensiv. Ekipi ishte bazuar shume te Balaj por shpresoj qe te sherohet sa me shpejt dhe te jete i gatshem per ndeshjet e ardhshme.
-Ështe kjo forca reale e Vllaznise apo mund te luftoje me teper?
Mundesite i ka per te bere me mire dhe tashme duhet te luaje edhe me shume kujdes sepse jane ndeshjet e fundit te sezonit dhe duhet tentuar marrja e maksimumit.
-A do jete Vllaznia ne finalen e Kupes se Shqiperise?
Une shpresoj shume qe Vllaznia te jete ne finalen e Kupes dhe me pas ta fitoje edhe kete trofe sepse me pak mundesi, mund t’ia dale.(www.shkodrasport.com)
