Kampionati 5×5 do zhvillojë sonte ndeshjet e javës së tretë të tij. Përballja më interesante dhe ajo që pritet të tërheqë vëmendjen e të gjithëve është ajo mes MFC Panthers dhe Air Albania. Dy ekipe me shumë lojtarë cilësor në përbërje dhe që pritet të japin spektakël.
Për “Shkodra Sport” para këtij dueli ka folur edhe kapiteni i MFC Panthers, Ergin Axhani që në intervistën e tij është i sigurt për fitore kundër Air Albania.
–
Ekipi juaj MFC Panthers do jetë përballë Air Albania një kundërshtari shumë të fortë sot. Si e keni përgatitur ndeshjen?
Di të them se do jetë një super ndeshje sot. Do kemi një përballje shumë të fortë kundër disa miqve tanë ndaj të cilëve do jetë një shfaqje e bukur për tu parë.
-Air Albania është ndoshta skuadra më e mirë e kampionatit apo jo?
Ata kanë fituar dy ndeshje, ndërsa ne 1 dhe kemi humbur një pa fat. Nuk jemi as ne keq sepse kemi disa figura të njohura si: Admir Teli apo Albert Kaçi dhe mendoj se nuk do kalohemi lehtë.
– Pra fitore?
Patjetër që do jetë një fitore. Ne kemi ndërtuar një ekip që jo vetëm të fitojë në Shkodër, por edhe në rang kombëtar. Nuk do ketë rezultat tjetër përveç fitores.
-Kapiteni Axhani do shënojë gol sot?
Di të them se do fitojmë pastaj se sa gola do shënojë nuk e di. Por , thjesht di që do shënoj dhe do fitojmë. Do e shohin të gjithë sonte.
-Dhe në fund cili do jetë rezultati përfundimtar?
Na kanë marrë ndoshta lehtë, por do i “godasim” në fushë. Do jetë një rezultat i bukur në favor të Panthers që do marrin edhe kryesimin e kampionatit.
Intervistoi: Endri ÇINARI
