Pak dite me pare, Kombetarja U-17 e Shqiperise zhvilloi ndeshjet e para te fushates kualifikuese te Europianit ne fazen “Elite Round”. Ne keto duele, Kombetarja kuqezi pesoi nje humbje dhe mori dy barazime, c’ka tregoi se skuadra jone perfaqesuese nuk beri aspak mire ne aspektin ofensiv.
Megjithate, ajo qe te ben pershtypje eshte se njeri nga futbollistet e Vllaznise, pikerisht Gerald Kubazi, golashenuesi me i mire i kampionatit te 17-vjecareve, me plot 22-gola te shenuar, qe u grumbullua me Kombetaren per keto ndeshje, jo qe nuk ka luajtur, por nuk ka qene as ne stol, edhe pse te rregjistruar ka patur shume pak futbolliste dhe ka patur vend bosh ne te.
Gazeta “Shkodra Sport” eshte interesuar prane drejtuesve te Akademise Vllaznia per te mesuar nese Kubazi ka patur ndonje problem demtimi kete periudhe qe nuk ka luajtur, por pergjigja e tyre ka qene e tille qe sulmuesi ka qene i gatshem, por kjo ka qene zgjedhja e stafit teknik dhe trajnerit Ervin Bulku.
Megjithate, sulmuesi shkodran vazhdon te shkelqeje me ekipin kuqeblu te 17-vjecareve dhe si rrjedhoje, kjo ka sjelle edhe njehere tjeter “shperthimin” e drejtorit te Akademise Vllaznia, Alban Neziri. Ai, ne nje prononcim per “Shkodra Sport” u shpreh se eshte e kote per te folur me ne lidhje me nje teme te tille, pasi te gjithe trajneret e ekipeve kombetare grumbullojne futbolliste nga skuadrat e tyre private.
Poashtu, Neziri theksoi se fjalet e tij kane rene gjithmone ne “vesh te shurdher”, edhe pse ka pasur kontakte edhe me presidentin Armando Duka dhe drejtorin e ekipeve kombetare, Sulejman Mema, per nje problematike te tille. Per me shume, lexoni intervisten e tij dhene per gazeten tone gazetarit Maringlen Zhivani.
-Neziri, si e komentoni mosaktivizimin e Kubazit ne grumbullimin e fundit te U-17, besoj keni dicka per te thene ne lidhje me kete gje apo jo?
Cfare te them per mosaktivizimin, kur golashenuesi me i mire qe dy vite, fituesi i kampionatit, fituesi i Kupes se Shqiperise, nuk aktivizohet. Cfare te them, eshte e kote per te folur, sepse kam kohe qe flas dhe kjo bie ne “vesh te shurdher”. Trajneri Bulku ka bere kete zgjedhje, eshte mendimi i tij. Une i kam bere thirrje edhe presidentit Duka, edhe drejtorit teknik te ekipeve kombetare, Sulejman Mema, por nuk e kane vendosur “ujin ne zjarr” per kete problem dhe eshte krejtesisht e kote per t’u marre me me kete muhabet, sepse ka vite qe ndodh kjo.
Kjo nuk eshte se ndodh vetem kete vit, por ka vite qe ndodh. Keta trajneret e ekipeve kombetare, pervec Armando Cungut, kane ekipe qe punojne privatisht dhe normalisht, ata do te synojne te marrin ne Kombetare ata futbolliste qe jane te ekipit te tyre, sepse u intereson ashtu. Ndoshta, edhe une po te kisha qene trajner i Kombetares, do te kisha vepruar ne te njejten menyre.
-Realisht sipas mendimit dhe kendveshtrimit tuaj, cfare duhet te beje me shume nje futbollist se sa te jete
golashenuesi me i mire i kampionatit per t’u aktivizuar me Kombetaren?
Kubazi nuk ka se çfare ben me shume, por vetem te ule koken dhe te punoje, sepse djersen dhe mundin nuk mund ta hane askush, as Bulku, as Albani, asnje njeri. Kjo eshte ideja ime. Vetem te punojne, te punojne, sepse do t’i dale e drejta e tij, siç i ka dale Alivodes dhe shume e shume te tjereve. Besoj edhe Kubazit do t’i dale e drejta e tij me disipline dhe stervitje.
-Mund te kishte futbolliste te tjere te Vllaznise U-17 qe mund te ishin grumbulluar nga Kombetarja e 17-vjecareve ne keto ndeshje?
Normalisht qe ka. Aris Ara eshte nje nga futbollistet me te talentuar ne Shqiperi, por edhe Kubazi jam i bindur qe eshte marre vetem nga buja e madhe qe eshte bere dhe asgje me teper. Kubazi eshte marre vetem nga trysnia mediatike, e jona si klub dhe eshte ditur qe nuk do te jete as ne 22-she. E kemi ditur si klub qe nuk do te jete pjese e 22-shes normalisht.
-E fundit Neziri, nje mesazh te fundit nese keni per trajnerin Ervin Bulku qe te ktheje syte nga Shkodra?
Per Bulkun dhe per te gjithe trajneret e Kombetareve, te vazhdojne t’i japin si te duan. Sic themi ne shkodranet, “t’i grahin kembeve” sa ta kene ne dore dhe normalisht, shikohen rezultatet vete, nuk ka nevoje per koment. Sporti matet me rezultate, nuk matet me kush luan bukur. Besoj ka ikur ajo kohe prej vitesh e vitesh.
Maringlen ZHIVANI
