Ne ndeshjen e se dieles ndaj Gramshit ka qene protagonisti kryesor per ekipin e Basanias sepse ka shenuar dy prej tre golave te kesaj perballje dhe ka dhene edhe nje asist. E kemi fjalen per futbollistin 20 vjeçar nga Bregu i Fildishte Cheick Oumar Konate.
Ndonese pozicioni i tij ne fushe eshte ai i mesfushorit, per momentin eshte golashenuesi me i mire i ekipit teksa bashke me ndeshjen e kupes, ka arritur te shenoje 5 gola ne 5 ndeshje te luajtura. Ai ndjehet mire tek kjo skuader dhe nga ana tjeter mendon se Basania i ka mundesite per te ecur me perpara.
Konate ka dhene nje interviste ekskluzive per gazeten “Shkodra Sport” ku ka folur per kete eksperience te tij te pare ne Shqiperi, pritja qe i eshte bere, preferencat e tij por edhe shume gjera te tjera. Per me shume lexoni interisten e dhene per gazeten tone:
– Oumar, keni qene protagonisti kryesor ne ndeshjen e fundit te Basanias ndaj Gramshit me dy gola dhe nje asist. I lumtur per nje performance te tille dhe po ashtu edhe per fitoren e ekipit tuaj?
Po, jam i lumtur sepse është gjithmonë një ndjenjë krenarie për çdo lojtar kur shënon dhe skuadra fiton ndeshjen. Kështu që, po shumë i lumtur.
– Nje fitore shume e rendesishme per ekipin tuaj kjo ndaj Gramshit apo jo?
Sigurisht qe ishte e tille sepse pas dy humbjeve dhe një barazimi në kampionat ishte shumë e rëndësishme që skuadra të bënte një fitore dhe natyrisht qe kemi te kenaqur me marrjen e saj sepse do te na ndihmoje per vazhdimesine.
– A mund të bëjë më mirë ky ekip në të ardhmen?
Po kjo skuadër mund të jetë më e mirë në të ardhmen sepse kemi lojtarë cilësorë, por do të duhet kohë dhe pak durim sepse është një grup i ri. Edhe pse ka disa lojtarë me eksperiencë, pjesa tjetër janë lojtarë të rinj që kanë ardhur së fundi, prandaj dhe duhet pak kohë për harmonizimin e tyre.
– 3 gola në kampionat dhe 2 në kupë. Një fillim i mbarë i sezonit për ju?
Po, mendoj se është një fillim i mirë, por asgjë nuk është bërë ende. Ne duhet të vazhdojmë të punojmë dhe të jemi më të mirë për të ardhmen.
– Cili është pozicioni juaj i preferuar në fushën e lojës?
Ndihem mirë në mesfushë, por do të jem gjithmonë në dispozicion të trajnerit kudo që ai të më vendosë. Do të jem në gjendje të përshtatem sepse jam trajnuar si mesfushor, por jam gjithashtu i gjithanshëm dhe mund të luaj në disa pozicione në fushë.
– Oumar, si mbërritet në Shqipëri?
Unë mbërrita këtu përmes agjentit tim italian Silvio Pagliari dhe Benardin Kulla. Falë tyre erdha në Shqipëri dhe dua t’i përshëndes atë në këto momente.
– Si jeni pritur këtu?
Jam pritur shumë mirë në klubin tim dhe madje edhe në qytet këtu të gjithë janë të mirë, duke buzëqeshur me mua. Edhe në stërvitje, shokët e skuadrës janë shumë të mirë, edhe trajneri dhe presidenti. Sinqerisht për momentin gjithçka po shkon mirë.
– Cila është gjëja që ju pëlqen më shumë këtu në Shqipëri?
Më pëlqen shumë nocioni i familjes që mbretëron këtu në Shqipëri, njerëzit janë të afërt me njëri-tjetrin dhe janë të sjellshëm si në shtëpinë e tyre dhe kjo është diçka ndryshe nga shumë vende të tjera.
– Po ndonjë gjë që nuk ju pëlqen, ka?
Vështirë të them që ka diçka që nuk më pëlqen sepse nuk dal kurrë. Udhëtoj mes terrenit dhe shtëpisë, kështu që është e vështirë t’i përgjigjem kësaj pyetje.
– Ushqimi që ju pëlqen më shumë këtu?
Më pëlqen shumë orizi me mish viçi. Kjo është ajo që ha më shumë që kur kam mbërritur në Shqipëri.
– Së fundi, cilat janë synimet tuaja për të ardhmen?
Për momentin jam më i fokusuar në kampionatin ku luaj. Do të mundohemi ta mbyllim sa më mirë këtë kampionat dhe pastaj të shohim. E përsëris, për momentin jam i fokusuar vetëm te Basania.
Intervistoi: Gjergj KOLA
