Të shohësh fotot e saj mund ta mendosh si modele apo diçka të tillë por në fakt, kur mëson që është futbolliste, në fakt edhe mund të habitesh.
E kemi fjalën për ata që nuk e njohin. Uendi Muja është një vajzë e cila ka spikatur me paraqitjet e saj në fushën e blertë, me golat e shumtë që ka shënuar për ekipin e Vllaznisë por edhe atë kombëtar.
Por në fakt, në rrëfimin e saj për gazetën “Shkodra Sport”, Uendi shfaqet edhe një vajzë inteligjente. Ndiqni më poshtë intervistën e dhënë për gazetën tonë:
1-Uendi,faleminderit që pranove të jesh pjesë e gazetës sonë. Duke qenë se ke spikatur në fushën e blertë për talentin tënd,të gjithë ne duam të dimë më shumë rreth teje.
-Faleminderit juve për intervistën.
2-Sa e gëzon Uendi talentin në futboll,apo ja lë meritat stërvitjes apo ndonjë trashëgimie?
-Talenti dhe trashëgimia është vetëm një bonus për çdo sportist. Do thoja që pa punë nuk arrihet asgjë dhe kjo është e vetmja mënyrë të gëzosh për atë që do.
3-Sa e vështirë është të menaxhosh fushën e blertë?
-Çdo pozicion ka detyrat e përcaktuara pavarësisht aftësive individuale të sportistit. Në qoftë se këto detyra zbatohen edhe menaxhimi është më i lehtë.
4- Cili është çelësi i suksesit tënd?
– Përkushtimi dhe dëshira për sportin e futbollit nuk më ka munguar asnjëherë. Objektivat në jetë duhen arritur me patjetër.
5- Komplimete për look-un.Shumë “wow” nga koka te këmbët. Sa merita ka sporti në linjat e tua?
– Shumë faleminderit edhe për komplimentet. Secili nga ne për të patur një trup të bukur detyrohet të bëjë sport. Nuk mund të them që nuk ka merita sporti futbollit.
6- Një vajzë në sport çfarë rrezikon dhe çfarë përfiton?
– Një vajzë sportiste nuk rrezikon asgjë madje do thoja që ka vetëm përfitime. Shëndeti,edukata dhe kultura janë përfitimet kryesore të çdo sportisti.
7- Në cilin grup të vajzave bën pjesë Uendi, tek ato pro shkollës, apo ato që s’ja thonë fare?
– Të them të drejtën nuk është se më ka pelqyer ndonjëherë, por pavarësisht kësaj vazhdoj me përkushtim studimet në vitin e parë në universitetin e Shkodrës dega Edukimi fizik.
8- Nëse do isha Uendi për një ditë, cila do ishte rutina ime?
– Dita jote do fillonte me një vrap në mëngjes herët. Më pas do ishte shkolla programi yt i rrallës. Mbasdite stërvitja me ekipin dhe në darkë do ishe në palester ose ndonjë kafe me shoqëri ose familje.
9- Cili ka qenë një ndër motivet më të forta që të ka bërë të ringrihesh në jetë?
-Kur kupton padrejtësitë ndaj teje gjen dhe mënyrën për t’ia dal mbanë. Më pëlqen kur më urrejnë apo nuk më duan. Më kanë bërë gjithmonë më të fortë se kjo që jam sot.
10- Përveç familjes, këe mban Uendi tjetër në krah? (dua të them një mashkull nqs është…)
– (haha) Nuk kam askënd krah meje, ndjehem shumë e plotësuar me veten time.
11- E ke menduar ndonjë herë faktin të gjendesh thjesht diku tjetër? Nqs po, ku e sheh veten po kaq të aftë sa në futboll?
Jam shumë ambicioze dhe kërkoj shumë nga vetja. Më pelqejnë fusha të ndryshme të artit kështu që nuk do hezitoja, por për momentin jam shumë e përkushtuar tek sporti i futbollit.
12- Tani po të lë një hapësirë për të dhënë një mesazh për të gjithë vajzat me shpresën që të gjejnë rrugën e drejtë të jetës së tyre në sport.
-(Hmmm) Do i thoja që sakrificat në sport janë të pranishme gjatë gjithë kohës, luftoni që të keni atë që doni.
Intervistoi: Pamela Rroku
