Ka kaluar veshtiresi nga me te ndryshmet, por sukseset asnjehere nuk i kane munguar. Zef Gjoni dhe Vllaznia kane fituar sot titullin e 25-te kampion te Shqiperise. Nje sukses i jashtezakonshem dhe legjenda eshte i vetmi qe ka qene prezent ne te gjithe keto suksese te ekipit shkodran.
I sotmi ka patur brenda shume emocione dhe arritja e tij e ka bere ate shume te lumtur. Ne nje interviste ekskluzive per “Shkodra Sport” Zef Gjoni ka bere premtimin e bujshem se sukseset e Vllaznise ne boks nuk do te ndalen ketu. Per me shume lexoni prononcimin e tij per gazeten:
– Profesor Zefi, urime edhe per titullin e 25-te kampion…
Shume faleminderit!
– Bete realitet nje tjeter premtim tuajin, ndonese situata para kampionatit nuk ka qene dhe aq shume optimiste per kete suksese. Si ia dolet?
Kjo eshte ndoshta gjeja me e veçante e imja sepse di t’i menaxhoj si duhet gjerat dhe te besojme tek e pamundura edhe kur nuk duket e mundur. Te mos harrojme se deri 10 dite para kampionatit, kemi qene ne dyshim per pjesmarrjen me perberje te plote apo jo. Por fale nderhyrjes se kryebashkiakut Beci dhe ndihmes se sponsoreve “AlbTiefbau”, “Beka Construction” dhe “LFC Elektro Germany” ia dolem ta plotesojme ekipin me sportistet e duhur.
Por edhe ketu patem shume pengesa sepse nuk na erdhen boksieret Kristian Demaj, Rexhildo Zeneli, Flavio Qershija e ndonje tjeter, megjithate ia dola ta ndertoj ekipin me sportistet e duhur dhe ata ma shperblyen. Te gjithe kane patur dilema si do ta ndertoja formacionin, por ky eshte sekreti im, ky eshte kyçi i suksesit.
– Çfare mund te thoni per boksieret qe perfaqesuan Vllaznine ne kete kampionat?
Jam krenar per ate se çfare bene ne ring. Duke filluar nga i mrekullueshmi Rifat Bajrami, per te vazhduar me Emanuel Koçon, Ani Haxhillarin, Arjon Kajoshin, Bekim Vjerdhen dhe Senad Drinin, Geljan Rajkun dhe per te perfunduar me kapitenin Nelson Hysa. Te gjithe kane qene te shkelqyer dhe na dhuruan shume emocione duke bere qe Vllaznia te shpallej kampione per here te 25-te.
– Cila ishte e veçanta e ketij suksesi te sivjetem?
Shiko, Vllaznia ka dale per here te pare kampione ne vitin 1992 dhe atehere kemi nxjerre 7 boksiere kampione ne pesha te ndryshme. Kjo gje u perserit edhe sivjet, nxorrem 7 kampione dhe kjo e ben me te veçante kete sukses te sivjetem.
– Do vazhdojne sukseset e Vllaznise ne boks dhe te Zef Gjonit?
Nese tifozet duan ta shohim serish Vllaznine kampione, i siguroj se do ta gjej menyren e duhur per t’i gezuar me te tjere tituj kampione. Me duket se edhe kundershtaret e mi e kane kuptuar se nuk mund te maten me Zef Gjonin. Une dhe Vllaznia do te jemi kampione e pakta derisa te kem fryme. Madje i siguroj te gjithe se edhe ne ate periudhe kur te jem ne shtrat dhe i pafuqishem per te qene prane ringut, do te veproj si Skenderbeu qe nga shtrati jepte udhezimet per ushtaret e tij per t’i fituar luftrat dhe ato i fitonin. Keshtu do veproj edhe une. Nga shtrati do t’i udhezoj trajneret dhe sportistet se si do te dalin kampione dhe te jeni te bindur se do ia dalin.
Intervistoi: Gjergj KOLA
