Vigjilje e “Coppa Italia” për Interin, që sonte do të jetë në fushë për ndeshjen e parë gjysmëfinaleve kundër Milanit. Simone Inzaghi e prezanton këtë derbi të Madoninës në konferencën për shtyp nga “Appiano Gentile”.
Derbi vjen në një periudhë me shumë angazhime. Sa rëndësi ka një grup kaq i bashkuar si i yti?
E dimë se sa e rëndësishme është ndeshja, është një gjysmëfinale e Kupës së Italisë me Milanin. Është një derbi, ekziston dëshira e madhe për të bërë një ndeshje të shkëlqyer, duke ditur se do të kemi përballë një kundërshtar cilësor, i cili këtë sezon ka krijuar shumë probleme jo vetëm për ne.
Çfarë ju kanë mësuar derbit e mëparshëm? A keni një shpirt hakmarrës?
E dimë që kemi pasur vështirësi këtë sezon ndaj Milanit, veçanërisht në derbin e parë. Dy të tjerët ishin të balancuar, u vendosën nga episodet. Sonte do të jetë i katërti, pastaj do të ketë një të pestë. Zakonisht, këto ndeshje luhen për t’u fituar, nuk ka rëndësi se si.
Do të luajë Sommer apo Martinez?
Për formacionin nuk mund t’ju ndihmoj tani. Për portierin kam vendosur, por nuk ua kam komunikuar ende lojtarëve dhe preferoj t’ua them fillimisht atyre. Nuk do të jetë Lautaro, nuk do të jetë Asllani, Bastoni do të kthehet, do të vlerësojmë De Vrij. Taremi nuk do të jetë, më shumë ose më pak jemi të njëjtët si në ndeshjen e së dielës me Bastoni më shumë dhe Asllani më pak.
Si do t’i menaxhoni kaq shumë ndeshje?
Objektivi ishte të arrinim në prill duke qenë në garë për të gjitha kompeticionet. E dimë që tani vjen më e vështira, por është një arsye për krenari garimi në të gjitha kompeticionet. Ndeshjet e ngjeshura do të na marrin shumë energji fizike dhe mendore, por është ajo që dëshironim. Të gjitha ndeshjet janë të rëndësishme.
Si është Thuram? A duhet menaxhuar me kujdes?
Nuk ishte i dëshiruar problemi që pati Taremi, duke luajtur ndeshjen e dytë me kombëtaren e tij. Pa Lautaro, sonte duhet të luajmë me tre sulmues. Do të marrim në pankinë edhe një sulmues të ‘Primavera’.
A do të mendoni për dy ndeshjet, duke u përqendruar te ndeshja e kthimit?
E dimë se ky derbi do të luhet në 180 minuta. Nuk është një ndeshje kampionati, ndaj duhet menduar edhe sfida e kthimit në fund të prillit. Megjithatë, ekziston gjithmonë dëshira për të fituar çdo ndeshje.
A keni një plan për Lautaro?
Duam që ta kemi në dispozicion të shtunën në Parma, por do ta shohim ditë pas dite. Bëhen plane në kokë, pastaj mund të ndodhin gjëra të papritura. Ai është mirë, po punon. Nëse do të ishte për të, e dimë të gjithë që Lautaro do të donte të ishte gjithmonë aty, por fatkeqësisht ka shfaqur një problem qysh ndaj Atalantës.
A mund të ndikojnë negativisht tre derbit e pa fituar?
Me Milanin kemi alternuar: në Riad bëmë një pjesë të parë të shkëlqyer dhe në të dytën nuk ishim në nivel. Në kampionat nuk e filluam mirë, por bëjmë një pjesë të dytë shumë të mirë. Ndeshjet ndonjëherë kanë zhvillime që ndodhin për shkak të episodeve. Një ekip i fortë, i organizuar dhe me përvojë duhet të bëjë ndryshimin. Rreziqet janë gjithmonë, por duhet të menaxhohen në mënyrën më të mirë.
Çfarë Milani pritet të shihni?
Unë nisem nga parimi se Milani është një ekip i fortë, me cilësi, që mund të shqetësojë çdo kundërshtar. E kemi studiuar në ndeshjen e fundit derbi me ne, ndaj Real Madridit. Është një ekip me cilësi, që ka pasur disa vështirësi gjatë sezonit, por në ndeshje të vetme i ka shqetësuar të gjithë. Do të na duhet shumë kujdes, duke ditur që të dyja ekipet duan të luajnë finalen në Romë.
Në derbin e fundit të luajtur në prill, ju fituat titullin e kampionit. Sa ishte e rëndësishme ajo ndeshje për muajt që pasuan?
Ajo ndeshje do të mbetet në zemrat tona. Ishte një ditë që nuk do ta harrojmë, na dha një gëzim të madh, por e kaluara nuk vendos më në fushë. Sonte luajmë derbin e parë gjysmëfinal, por krej raundi do të zhvilohet në 180 minuta. Duhet të jemi të mirë, të organizuar dhe të vendosur, sepse sfidojmë një ekip që e respektojmë shumë.
