Gjatë këtij sezoni mbrojtësi shkodran Denis Pjeshka është duke luajtur me Flamurtarin dhe pavarësisht problemeve që ka kaluar ky ekip, ka bërë paraqitje përgjithësisht të mira.
Këtë gjë tregoi edhe në sfidën që ai luajti të martën në “Loro Boriçi” ndaj Vllaznisë ku tregoi një nivel të pëlqyeshëm dhe përveç lojës së mirë në mbrojtje, në fundin e pjesës së parë ai madje ka qenë pranë golit të barazimit por portieri Sherri ia hequr këtë mundësi.
Në fund të takimit, vetë lojtari ka postuar disa foto të ndeshjes dhe ajo që ka rënë në sy ka qenë një koment i ish-drejtorit teknik të Vllaznisë Eugent Zeka i cili përmes postimit të tij u bënte një thirrje drejtuesve të klubit shkodran.
“Mos e leni me ik ma prej aty. Vetem nderroni fanellen ne kuq e blu, e fitoni prape nje djale mbret”- shkruan ish- drejtori.
Në fakt ky mund të jetë një apel i vërtetë për drejtuesit kuqeblu të cilët ndoshta edhe në këtë merkato e plotësuan skuadrën me mbrojtës të tjerë, por në verë padyshim që afrimi i këtij lojtari sërish në Shkodër duhet bërë realitet.
© shkodrasport.com
