Mario Mitaj ditën e djeshme ka debutuar me Al Ittihad në Kupën e Arabisë Saudite. Mbrojtësi shqiptar zhvilloi një ndeshje fantastike në fitoren 3-0 ndaj Al Ain.
Paraqitja e talentit kuqezi ka marrë vemendjen në Arabi, ku ish-futbollisti i njohur arab, Khaled Al-Shenif nuk ka nguruar t’i thurë elozhe. Ish-lojtari arab ka theksuar se Mitaj është një futbollist i kompletuar dhe në Arabinë Saudite do të jetë ndër më të mirët nga lojtarët e huaj.
“Mario Mitaj është një lojtar i kompletuar dhe në të ardhmen do të jetë një nga të huajt më të mirë në futbollin saudit”, tha Khaled Al-Shenif në “KSA Sport”.
