I ftuar në emisionin e drejtuar nga Gasper Marku në ‘Radio Shkodra’ është ish-kapiteni i kombëtares shqiptare, Rudi Vata.
Ish-mbrojtësi u ndal te situata e Vllaznisë ku u duk se kishte disa kritika për drejtuesit dhe ku shpreh edhe keqardhjen për situatën që po kalojnë tifozët.
“Jam shprehur shpesh herë dhe dua të flas në mënyrën se si e shoh unë. Nuk jam i mendimit se Vllaznia nuk i ka mundësitë që të shkojë më lart.
Por shoh se nuk ka impenjim në Shkodër. Skuadra nuk reagon në momentin kur duhet.
Vllaznisë i duhet shumë mund, sakrificë dhe djersë për të mbijetuar. Nëqoftëse Vllaznia mendon se ka kohë atëherë është e humbur”.
“Mënyra se si drejtuesit duan të dalin nga situata nuk më duket normale. Sepse nuk është një mënyrë profesioniste.
Tifozët e ndiejnë më tepër këtë siutatë dhe për ata më vjen më shumë keq. Unë vij direkt nga Tirana dhe kam marrë dy telefonata nga tifozët e Shkodrës të cilët i dëgjoj dhe më vjen keq për ta.
Angazhimi dhe mënyrë se si përfaqësuesit e klubit nuk e gjejnë mënyrën e duhur për të dalë nga situata. Dhe këtu lind pyetja a janë të aftë për të drejtuar këtë ekip ?Nuk shikoj lider te ekipi i Vllaznisë. “/newsport/
