Ish-mesfushori nigerian i Vllaznisë, Nurudeen Orelesi nuk do të jetë më pjesë e futbollit të luajtur. Ai do të “varë këpucët në gozhdë” pas 10-viteve kontribut të çmuar në futbollin shqiptar. Ish-mesfushori, që mbylli sezonin me Apoloninë, mund të nisë një sfidë të re po me të njëjtin klub.
Nga sa mësohet, presidenti i Apolonisë, Koço Kokëdhima, ka dashur ta mbajë ende Orelesin në Fier, por këtë herë me një rol të ri drejtuesi. Numri një i klubit fierak i ka sugjeruar fillimisht Orelesit rolin e zv/trajnerit krah trajnerit Artan Mërgjyshi. Megjithatë, ky nuk do të jetë opsioni i fundit për Orelesin, që ndoshta do të ketë mundësinë të drejtojë edhe një nga ekipet e moshave.
35-vjeçari ka pasur karrierë të pasur gjatë këtyre 10-viteve në futbollin shqiptar. Gjithçka nisi me kontributin për ekipin e Dinamos në sezonin 2010-2011. Për të vijuar më pas me Skënderbeun në sezonet 2011-2012, 2012-2013 dhe 2013-2014, por edhe në sezonet 2015-2016 dhe 2016-2017, Vllazninë në sezonin 2017-2018, Kamzën në sezonin 2018-2019 dhe së fundmi me Apoloninë në sezonet 2022-2023 dhe 2023-2024.
CV-ja e gjatë e mesfushorit Orelesi është edhe më e pasur se kaq, pasi nigerianit nuk i ka munguar edhe një aventurë dy-vjeçare në Ukrainë, atje ku ka luajtur për FC Metalurh Zaporizhya.
Maringlen ZHIVANI+
