Tashme eshte mesuar se Federata Botërore e Peshëngritjes ka dënuar me 8 vjet përjashtim peshengritesen shqiptare Romela Begaj, ngaqe rezultoi pozitive në testet anti-doping gjatë Botërorit të vitit 2017.
Përgjigjet e testeve u bënë të njohura në fillim të vitit 2018, ndërsa në atë kohë Romela Begaj mohoi dhe u betua se nuk kishte përdorur stanazanol, substanta dopuese e gjetur në teste. Edhe mbrojtja e sportistes shqiptare nuk ka bindur panelin e gjykatësve.
“Duke qenë se sportistja e ka të përsëritur pozitivitetin ndaj dopingut, do të dënohet me sanksionin maksimal që është 8 vjet dhe do të hiqen të gjitha rezultatet nga aktiviteti ku ka rezultuar pozitive dhe të gjitha rezultatet nga periudha e fillimit të kësaj çështjeje, që është fundi i vitit 2017”, lexohet në vendimin e Federatës Botërore të Peshëngritjes.
Romela Begaj ka të drejtë t’i drejtohet Gjykatës së Arbitrazhit Sportiv për të zhbërë këtë vendim të rëndë, por duket e vështirë që peshëngritjesja të ndjekë këtë rrugë të gjatë dhe shumë të kushtueshme ligjore.Një konfirmim për këtë vjen nga vetë Federata Shqiptare e Peshëngritjes.
E kontaktuar, drejtuesit e saj bëjnë të ditur se është e pamundur financiarisht të reklamojnë dënimin e Romela Begaj në KAS. Kjo do të thotë se me këtë vendim karriera e peshëngritjes ka ardhur në fund, për vetë faktin se ajo është 33 vjeç.
Fundin e karrieres se kesaj sportisteje e ka deklaruar edhe njeriu qe i dha mesimet e para ne shtange. I mirenjohuri Faruk Kalleshi me nje status te publikuar shkruan: “Njwrwzit qw e larguan nga ekipi mbasi i isha lutur 6 muaj qw tw vinte nw kwtw sport ku dhe me 11 stwrvitje e çova ne rezultate te larta, deri ne nenkampione Europe, ia prishen mendjen dhe e helmuan me doping per te fituar lavdi. Perfundimi i keq i nje vajze te talentuar, sepse me kete denim merr fund karriera e saj”.
