Vllaznia dhe Elbasani janë ndarë në barazim 0-0. Nga 1 pikë për secilën skuadër në stadiumin “Elbasan Arena” ku skuadrat nuk ia dolën të shfrytëzojnë mundësitë për të shënuar.
Pas ndeshjes u prononcua trajneri i Vllaznisë, Tomas Brdariç.
“Për opinionin tim ishim ekipi më i mirë dhe e meritonim fitoren. Vetëm topi nuk kaloi në rrjetën. Nga njëra anë kemi fituar 1 pikë, nga ana tjetër kemi humb 2 pikë.
Ne kemi zëvendësime, djem të rinj që duhet të presin për momentin të luajnë. Duam të jemi sa më të mirë në çdo merkato. Nuk e kam mendjen çfarë do ndodhë në merkato, jam i lumtur me çfarë kam. Sot bëmë disa zëvendësime. Mendoj si të fitoj ndeshjet në javët në vijim.
Doda është i ri, i thashë që do mësojë. Përkushtimi ishte mjaft i mirë. E kemi përgatitur ekipin dhe dëshironim të vinim për të fituar”, u shpreh Brdariç për RTSH.
