Para 4 vitesh suedezi Lars Lagerbäck merr postin e trainerit te ekipit perfaqesues te Islandes, rastesisht ne te njejten kohe si de Biasi yne.Ne kualifikimet per Boterorin e Brazilit 2014, Islanda e Lars Lagerbäck del e dyta ne grup dhe rastesisht perseri ka perballe dhe Shqiperine e de Biasit te cilen…e mposht dy here, ne Tirane dhe Rejkjavik! Kroacia e pengoi ne play off qe Islanda te shkonte ne Boteror.Nderkohe Shqiperia e de Biasit u rendit e 5-ta ne grup.Dhe qe prej kesaj periudhe e ne vazhdim, ne renditjen e FIFA-s Lars Lagerbäck me ekipin e tij eshte para de Biasit dhe ekipt tone.
Europiani francez:
Islanda si dhe Shqiperia kualifikohen nga grupet perkatese per ne fazen te ashtuquajtur finale ku marrin pjese gjysma e atyre qe filluan ndeshjet kualifikuese. Eshte hera e pare per te dy vendet qe perjetojne nje sukses te tille! Te dyja te dytat ne grupet e veta. Shqiperia e de Biasit edhe ne saj te disa peripecive juridike, kurse islanda e Lagerbäck ne nje prezantim sovran te manifestuar sidomos ne dy fitoret ndaj Holandes se famshme.
Keto kualifikime u festuan ne te dy vendet sipas menyres dhe tradites, si te thuash u festua me teper dhe më me buje te ne, por pse jo? Nuk eshte faji yne se ata jane pak te ftohte nga natyra…
As nuk eshte faji yne qe trainerin e tyre islandezet nuk e bene doktor shkencash h.c. pavaresisht se dhe ata kane universitete si dhe ne, nuk di ta kene bere qytetar nderi te ndonje qyteti, komune, fshati a ngujimi islandez polar ashtu si beme ne de Biasin poshte e lart Shqiperise.
As nuk e dekoruan presidenti e kryeministri i vendit ku ai sherben dhe shperblehet, ashtu si nderuan e dekoruan trainerin tone kreret e shtetit tone si kerkend te huaj deri tani. Islandezet te shohin punen e tyre, ne shohim tonen, ne bejme si te duam me medaljet tona!
Edhe po qe puna te financat, me keto rritjet e fundit te rroges de Biasi e le ne bisht Lars Lagerbäck-un. Kot, per statistike e kisha meqe jemi te krahasimet.
Dhe meqe jemi te dy vendet te cilave u perket perfaqesuesja perkatese duhet bere dhe nje dallim i vogel: Nderkohe qe perfaqesuesja e islandes perfaqeson Islanden (normale apo jo?) me nja 330 000 banore, perfaqesuesja shqiptare perfaqeson shqiptaret kudo qe jane dhe eshte produkt i te gjithe atyre. Behet fjale ndoshta per nja 8 -10 milione…
Ku e pata fjalen? – Ah, po! Islanda e Lagerbäck mbas dy ndeshjesh qe lehte mund ti quajme dy beteja deri ne “in extremis”, doli me pike nga seicila, shenoi ne te dyja dhe kundershtaret nuk ishin me pak dinjitoze se tonët e dy ndeshjeve te para, nga ku ne dolem duarbosh dhe jemi akoma ne pritje te golit te pare ne kete eveniment. Ne fakt dhe ekipi yne luftoi dhe luftoi fort, aq fort sa në te dy ndeshjet duke filluar nga minuta e 70-te shiheshin lojtaret tanë qe kerkonin ndihme, muskujt nuk ju bindeshin më, ju ishin bllokuar, ngerç i thone ne gjuhen popullore.
Islandezet jo, jo mor njerez, ata te gjithe ne kembe deri ne sekonden e fundit. Ndoshta jane islandezet me te fuqishem e sidomos tani mbas perfundimit te kampionateve ku marrin pjese jane me te fresket se tanet, e ketu ndoshta pak rol duhet te kete luajtur dhe traineri, se per ate pune eshte ai aty dhe ekipin ka disa jave qe e ka ne dispozicion.
Po edhe menaxhimi i lojes, nderrimet mund ti kete bere ky i Islandes ashtu si duhet dhe ne momentin e duhur qe te mos shkoje puna ti mbesin lojtaret te bllokuar neper fushe, edhe kjo ka mundesi, por nuk po perzihemi ne keto aspekte se ata e dine me mire se ku ju pikon dhe ku jo çatia… Ne vetem konstatojme dhe bejme ndonje krahasim.
Me nje fitore ne ndeshjen e fundit Islanda eshte fiks ne 16 me te mirat e kontinentit, kurse ne duhet te bejme llogari te shumta dhe mbas nje fitoreje hipotetike ndaj Rumanise, ngaqe nuk varet gjithshka ne doren tone, ashtu si e kane islandezet ne doren e tyre kualifikimin.
E meqe dolem te ndeshja e trete: Islanda sido qe te luaj, ka bere sensacion ne kete Europian dhe traineri i saj Lars Lagerbäck eshte…jo hero jo, as profesor – doktor i stisur i ndonje universiteti ne Rejkjavik, as xhani i kryeministrit islandez. Ai eshte e do te jete nje njeri i nderuar qe do te mbahet mend ne historine e futbollit ishullor atje ne Arktik. Kaq!
Po te fitojme ne ndaj Rumanise, sigurisht qe realizohet dhe permbyllet nje perfaqesim dinjitoz qe beri qe emri i Shqiperise te jete ne kryeartikujt e gazetave e kryelajmet e televizioneve europiane duke realizuar ate reklame qe sigurisht nuk jane ne gjendje ta realizojne shume ambasada tonat bashke. Bile as ato vajzat me gjoks perjashta qe fituan nuk e di çfare konkursi spektatoresh simpatike… Edhe de Biasi le te marri dhe ndonje medalje a titull tjeter, le ta bejne qytetar nderi dhe qytete e fshatra te tjera shqiptare.
Por larg qofte po dolem duarthate fare nga Europiani, atehere ne realizuam endrren qe te jemi ne France dhe vazhduam te fleme dhe te enderrojme. Jo si Islanda e vogel qe di dhe te realizoje denjesisht endrrat.
E kam thene mbas eliminatoreve ne nje shkrim qe ne finalet e europianit çertifikohet suksesi i Kombetares dhe sidomos i de Biasit, çertifikohet suksesi i tij pa cic – mice juridike e pa “ballista” qe i provokojne e armandduka qe i fitojne ato.
Suksese Kombetares sone neser e ne kete sens dhe de Biasit dhe jo anasjelltas si shkruhet e flitet gjithandej!
PS: Sido qe te shkoje puna, Presidenti i FSHF duhet ta kete emrin e suedezit Lars Lagerbäck ne krye te listes se trainerit te ardhshem te Kombetares!
