Partizani është kryendeshja e javës së 17-të të Superiores, që luhet nesër, në stadiumin “Selman Stërmasi”. Të kuqtë presin Kukësin, që ndan vendin e dytë me Skënderbeun, 5 pikë pas kreut.
Duke qenë një ndeshje mjaft e rëndësishme, edhe pse nuk vendos titullin, është vendosur që këtë ndeshje ta gjykojë një nga arbitrat më të mirë në vend.
“Vipsport.al” mëson se do të jetë Enea Jorgji arbitri i kësaj ndeshjeje. “Bilbilit” elbasanas, një nga arbitrat me më shumë përvojë në vend dhe me stemën e FIFA-s prej vitesh, i janë besuar ndeshjet më të forta në këto 16 javë kampionat.
Edhe dy ndërkombëtarët e tjerë, Juxhin Xhaja dhe Eldorian Hamiti, kanë gjykuar ndeshje të vështira, por nuk e kanë përvojën e Jorgjit.
Në fillim të këtij kampionati, për Jorgjin ka pasur një kontestim nga ana e Kukësit, por më pas veriorët kanë ndryshuar qëndrim. / Vipsport.al/
