22 dhjetori i vitit 2019 do të jetë ditë për t’u harruar nga skuadra dhe tifozët e Milanit.
Kuqezinjtë janë mposhtur 5-0 në transfertën e Bergamos, kundër një super Atalanta që ishte në nivel të jashtëzakonshëm sot.
Kjo është humbja më e thellë e Milanit në dy dekadat e fundit, dhe sigurisht, dikush do të marrë përgjegjësi për këtë.
Hera e fundit kur Milani ka pësuar humbje me 5 gola diferencë është në majin e vitit 1998.
Asokohe ishte skuadra e Romës që shpartallonte “Djallin”.
Sot u regjistrua hera e katërt në historinë e Milanit që skuadra pëson humbje me pesë gola, në Serie A./syri/
