Sot uli siparin java e 14 e Kategorisë Superiore, ndërkohë që të premten rikthehet futbolli në vend. Pikërisht të premten do të luhet edhe kryesfida e javës së 15, aty ku Partizani pret në “Air Albania” skuadrën e Tiranës në derbin e kryeqytetit.
Të dyja skuadrat vijnë në këtë ndeshje nga humbje në javën e fundit dhe fitorja në derbi është detyrim jo vetëm për klasifikimin, por edhe për vetë historinë e klubeve.
Tirana ka vite që vuan dhe nuk fiton një derbi kundër të kuqve, teksa këtë herë vjen me probleme të shumta. Sakaq, të shtunën do të luhen të gjitha ndeshjet dhe me orare të ndryshme. Dy takime do të luhen në orën 13:00 dhe dy ndeshjet e tjera do të luhen në orën 16:00.
Kështu, Flamurtari-Bylis dhe Laçi-Luftëtari janë dy ndeshjet që do të luhen në orën 13:00. Shkak për këtë ndryshim orari është mungesa e ndriçimit në stadiume dhe duhet të luhen para se të errësohet. Ndërkohë, Kukësi luan kundër Teutës në “Elbasan Arena”, ndërkohë që Skënderbeu pret në shtëpi Vllazninë. /Erjon Allaraj-VipSport.al/
Ndeshjet:
13 dhjetor 2019
19:00 Partizani – Tirana
14 dhjetor 2019
13:00 Flamurtari – Bylis
13:00 Laçi – Luftëtari
16:00 Kukësi – Teuta
16:00 Skënderbeu – Vllaznia
