Ende pa kaluar emocionet e javës së katërt të Superligës, e mbyllur me supersfidën Flamurtari-Skënderbeu, me këta të fundit që fituan, fundjava në vijim rezervon të tjera sfida të zjarrta dhe spektakolare.
Kështu Flamurtari, pas humbjes në shtëpi me Skënderbeun, do të udhëtojë të premten në Tiranë, ku do të përballet me Partizanin, në javën e pestë. Kjo do të jetë dhe sfida e parë e kësaj jave. Të shtunën, sipas kalendarit të FSHF, do të ketë sërish dy përballje interesante.
Luftëtari i vendit të fundit në renditje, ende pa marrë asnjë pikë, do të presë Teutën në Gjirokastër. Vendasit do të duhet të fitojnë këtë përballje, ose në të kundërt trajneri Kostiç rrezikon të mos vijojë më tej në krye të bankinës së Luftëtarit.
Por përballë do të jetë Teuta, që deri më tani ka grumbulluar 5 pikë dhe padyshim në këtë transfertë nuk ka çfarë të humb.
Skënderbeu do të presë në shtëpi skuadrën e Tiranës. Të dyja e mbyllën me fitore këtë javë, pavarësisht se Skënderbeu mundi një kundërshtar direkt për vendin e parë, ndërsa Tirana atë në vendin e fundit në renditje.
E diela do të mbyllet me dy sfida të tjera shumë interesante. Kastrioti do të luajë kundër Laçit në shtëpi ndërsa Kukësi në Elbasan do të ketë kundërshtarë Kamzën.
Java e pestë e Superligës, ditët dhe orët e ndeshjeve!
21.09.2018—– 19:45 Partizani–Flamurtari
22.09.2018—- 15:45 Luftetari Gjirokastra—Teuta
22.09.2018—– 18:45 Skenderbeu–KF Tirana
23.09.2018—– 15:45 Kastrioti–Laci
23.09.2018—– 18:45 Kukesi—Kamza
