Tek Vllaznia kanë mbërritur sot për provë dy futbollistë të tjerë. Janë dy serbë të tjerë që do kërkojnë të kalojnë provën e të firmosin për këtë skuadër. Ata janë Vitomor Jeliç dhe Marko Aleksiç. Jeliç nga sa bëhet e ditur ka lindur në Serbi më 25.01.1982, është I gjatë 1.82 m dhe peshon 78 kg. Në karrierën e tij ka provuar të luajë në disa vende e së fundi në Azi në shtetin Miamar me ekipin e Zeyar Myay.
Karriera e tij ka kaluar mes Bosnjës dhe Serbisë teksa ka luajtur me disa ekipe të këtyre vendeve për të kaluar më pas në Azinë e largët. Duket një mbrojtës me përvojë megjithatë mbetet për t’u parë gjendja e tij. Lojtari tjetër I mbërritur dje në Shkodër, ka luajtur në Ligën e parë të Serbisë. Marko Aleksiç është pjesë e ekipit të Fk Sindjeliç të Nishit, është I datëlindjes 14.04.1986. Në dallim nga serbi tjetër I ardhur edhe ai për provë, Aleksiç nuk ka luajtur asnjëherë jashtë Serbisë. Karriera e tij ka vazhduar mes ekipeve të FK Jagodina, Mladost Lucani, FK Radniçki e së fundi tek Fk Sindjeliç. Ky ekip është pjesmarrës jo në superligën serbe por në ligën e parë, madje është ndër ekipet më të dobëta aktualisht të tij.
shkodrasport.com
