Përveç mosdhënies së 11-metërshit në favor të Sukajt dhe qe u pranua nga te gjithe qe ishte i tille, ndeshja e djeshme Kukësi- Vllaznia ka patur edhe një tjetër rast shumë të diskutueshëm.
Atë të dhënies së kartonit të dytë të verdhë, rrjedhimisht më pas edhe të Sukajt pikërisht në minutën e 89-të.
Një veprim i arbitrit Hamiti që ndëshkoi kuqeblutë jo vetëm për këtë ndeshje por edhe për atë që vjen ndaj Skënderbeut sepse do t’u mungojë sulmuesi kryesor.
Duke analizuar këtë rast, ish- arbitri i njohur Lorenc Jemini është shprehur: “Rregullorja flet qartësisht se kur portieri ka ende topin në dorë, gjeste të tilla nuk duhen bërë dhe shoqërohen me karton të verdhë.
Kjo është vendosur në rregulloren e re sepse konsiderohet vjedhje e topit pavarësisht se lojtari nuk prek duart e portierit.
Sa për kartonin e verdhë që iu dha Sukajt dhe që ishte i dyti për të, nëse do isha unë arbitër në fushë, do ta kisha eliminuar sepse Sukaj nuk e meritonte një ndëshkim të tillë.
Ai është një futbollist që asnjëherë nuk sjell probleme disiplinore në fushë dhe prandaj të tillë lojtarë duhen ruajtur nganjëherë”.
Për Sukajn, ky ishte i dyti i verdhë dhe i kushtoi të kuqin, duke lënë skuadrën me 10 futbollistë dhe duke munguar në ndeshjet e radhës.
© shkodrasport.com
