Egnatia ka nisur punen per ndertimin e skuadres se sezonit te ri ku fillimisht do te kerkoje te paraqitet sa me mire ne Europe dhe me pas te jete ne gare per mbrojtjen e titullit kampion. Si rrjedhoje drejtuesit kane nisur punen per perforcimin e saj me lojtare te tjere cilesore.
Por te rrogozhinasit nuk do te kete vetem afrime. Behet e ditur se po mendohete dhe per largimin e dy prej futbollisteve qe ndihmuan ne shpalljen kampion te kesaj skuadre ne sezonin qe sapo u mbyll. Behet fjale per Arbenit Xhemajlin dhe Jurgens Montenegro.
Qendra e mbrojtjes është mbipopulluar, pasi në këtë pozicion luajnë pesë futbollistë si Malota, Alijev, Xhemajli, Dylis dhe Memolla. Arbenit Xhemajli pritet të largohet nga kampionët e Shqipërisë. Futbollisti, i cili luajti titullar në sezonin që lamë pas, ka disa oferta në javët e fundit dhe ka marrë vendimin për tu larguar. Interesimet për Xhemajlin janë kryesisht nga Zvicra dhe Turqia. Xhemajli ka edhe një vit kontratë dhe largimi i tij pritet të ndodhë në formën e shitjes, për t’i sjellë klubit të ardhura të konsiderueshme.
Në sulm përtej Bakajokos, Egnatia do të afrojë edhe një sulmues tjetër, me të cilët drejtuesit janë bisedime të avancuara. “Panorama Sport” mëson se sulmuesi Jurgens Montenegro do të largohet gjithashtu nga kampionët. Futbollisti i ardhur në merkaton e janarit arriti të përshtatej mirë në muajt e fundit duke shënuar 7 gola dhe dhuruar 2 asiste në 23 takime. Montenegro ka oferta nga kampionati grek. Edhe në rastin e sulmuesit nga Kosta Rika, Egnatia do të fitojë financiarisht një shumë që flitet të jetë afro 600 mijë euro.
