Vërtetë që e gjithë vëmendja e opinionit sportiv shkodran dhe shqiptar është e përqendruar tek ndeshjet e fundit të kampionatit të Kategorisë Superiore, por në fakt ka edhe futboll tjetër që luhet.
Pikërisht pasditen e sotme dhe për çudi në të njëjtën orë me ndeshjet e Superligës, do të luhen edhe ndeshjet gjysmëfinale të kampionatit U-17.
Nëse Vllaznia e madhe luan në Korçë ndeshjen e mbijetesës, ai U-17 i Akademisë së saj do të përballet në gjysmëfinale ndaj Flamurtarit.
Fillimisht u caktua ora 12.00 e ditës së sotme për t’u luajtur në Durrës ky takim por më pas ka ndryshuar ora dhe vendi.
Ai do të nisë në orën 17.00 dhe do të zhvillohet në Pezë-Helmes në kompleksin “Internacional”.
Djemtë e drejtuar nga trajnerët Nefail Zhejani dhe Denis Zmijani padyshim që do të tentojnë fitoren dhe daljen në finale të këtij kampionati.
© shkodrasport.com
