Në Angli personat e prekur nga koronavirusi vazhdon të rritet, por kjo nuk duket se shqetëson lojtarët anglez.
Episodi i fundit i pakëndshëm e sheh José Mourinhon në mesin e protagonistëve, portugezi shihet teksa organizon një mini-seancë stërvitore në park me tre lojtarë si Davinson Sanchez, Ryan Sessegnon dhe Tanguy Ndombele.
Siç është raportuar në Daily Mail, pretendohet se futbollistët kanë shkelur direktivën e qeverisë që ushtrimet dhe përgatitjet në natyrë mund të zhvillohen me një person tjetër të familjes.
Për më tepër, Sanchez dhe Sessegnon u rreshtuan të vrapojnë krah për krah pa respektuar distancën sociale që është dy metra në Angli, siç dëshmohet nga një video e postuar në Twitter.
