Një fitore shumë të thellë ka arritur pasditen e sotme ekipi i futbollit të femrave “Juban Danja”. Ai ka luajtur në Kamëz ndaj ekipit të Dardanisë dhe ka fituar me rezultatin e thellë 7-0. Autore të golave në këtë ndeshje kanë qenë Klaudia Rrotani, Nora Selmani, Aurora Seranaj (2), Emanuela Jaku dhe Anela Vishkulli (2). Ndeshja sigurisht që ka qenë e dominuar në të gjitha drejtimet nga ekipi i drejtuar nga trajneri Kreshnik Krepi që e ka shfrytëzuar atë si një “nxemje” para ballafaqimit të javës së ardhshme me Adën.
Me fitoren e sotme “Juban Danja” ka ruajtur diferencën prej dy pikësh me kryesuesen dhe do të kërkojë ta kalojë atë në ndeshjen e ardhshme. Ekipi i Juban Danjës vinte në ndeshjen e sotme pas fitimit të kupës “7 marsi” që u organizua në Kosovë të mërkurën dhe të enjten teksa ai mund në këtë kupë ekipet e Prishtinës dhe Trepça ’89 duke treguar një nivel të lartë loje.
www.shkodrasport.com
