Juban Danja në finale të Kupës, Disiplina vendos për finalisten tjetër: The Door apo Kinostudio?!

Skuadra e Juban-Danjës është finalistja e parë e Kupës së Shqipërisë, në futbollin e femrave për këtë edicion, ndërsa finalistja tjetër do të vendoset nga Komisioni i Disiplinës pranë FSHF-së, nëse do të jetë The-Door apo Kinostudio. Takimet gjysmëfinale, janë zhvilluar dje, në kompleksin sportive të ekipeve tona kombëtare në Kamzës, ku Juban-Danja ka fituar 3-2, derbin me Adën e Velipojës, ndërsa Kinostudio ka fituar thellësisht 7-0 ndaj The Door. Por kjo e fundit, në përfundim të takimeve ka reklamuar ndeshjen, duke pretenduar se ekipi kundërshtar ka aktivizuar një futbollisteje në mënyrë të parregullt. Bëhet fjalë për numrin 22 të ekipit të Kinostudios, që drejtohet nga Gëzim Gjonpalaj, dhe ky numër nuk ekziston në protokollin e ndeshjes. Kështu, që menjëherë pas përfundimit të takimit The Door-Kinostudio, presidenti i ekipit shkodran Kastriot Faci e ka reklamuar ndeshjen ndaj skuadrës kryeqytetase, duke kërkuar fitoren në tavolinë, për parregullsi në protokollin e ndeshjes, duke e depozituar kërkesën e pranë gjyqtarëve dhe vëzhguesve të takimit, që do të depozitohet pranë Komisionit të Disiplinës në FSHF, që do të vendosë më pas, për këtë çështje. Deri tani, me meritë, është në finale skuadra e Juban-Danjës me trajner Kreshnik Krepin dhe president Ferdinand Jakun dhe në krahun  e tij të djathtë është donatori Agim Cani, duke mundur në gjysmëfinale rivalen dhe në kampionat, Adën e Velipojës. Të dy takimet e djeshme, janë ndjekur nga trajneri i kombëtares së futbollit të femrave, Altin Rraklli, por edhe zyrtar të tjerë të FSHF-së, si Endri Hyka, përgjegjës i futbollit në femrave në këtë institucion, e të tjerë. Finalja e Kupës së Shqipërisë, mes Juban-Danjës dhe Kinostudion apo The Door, do të zhvillohet të shtunën e ardhshme në stadiumin “Selman Stërmasi” në kryeqytet.

Derbi i parakohshëm, dhuron lojë të bukur, emocione dhe tension në fund të ndeshjes

JubanDanja – Ada 3-2

Juban Danja: Rripa, Çali, Preçi, Çapnagaj, Vishkulli, Mustafaraj, Muçejani, Veliu, Rrotani, P.Jaku, E.Jaku. Trajner: Kreshnik Krepi Në stolin e rezervave: Haxhari, Rrotaj, Ndoci, Filipi, Hilaj

Ada: Kokiçi, Franja, Sufaj, Rnkoviç, Lazri, Abazi (Hoxhaj 69’), Shpuza, Doçi, Gruda, Tula, Malesija. Trajner: Fatmir Axhani Në stolin e rezervave ishin: Hoxhaj, Paço, Bajrakurtaj, Qershija, Gucija, Zefi, Muja

Gjyqtarë: Edvind Hoxha, Luar Muça, Paulin Simoni (Lezhë)

Shënues: Vishkulli 8’, Veliu 38’, Rrotani 60’ / Tula 46’, Gruda 68’ ( penallti)

Kartona të verdhë: Vishkulli, Muçejani / Tula, Shpuza

Kjo ka qenë pa dyshim një finale e parakohshme për kompeticionin e Kupës së Shqipërisë në futbollin e femrave. Janë të dy këto ekipe, të cilat edhe rivalizojnë për titullin “kampion”. Ndeshja ka nisur e bukur dhe ka patur rivalitet dhe lojë të bukur, por edhe të fortë, deri në vërshëllimën e fundit të kryesorit Edvin Hoxha. Ka qenë skuadra e Krepit, që ka kaluar dy herë në avantazh, duke e mbyllur pjesën e parë 2-0 në favor të Jubanit. Fillimisht ka qenë Vishkulli, njëra ndër më të mirat në fushën e lojës, që ka shënuar një gol të bukur direkt nga goditje këndi. Më pas, kur të gjithë po bëheshin gati për të shkuar në dhomat e zhveshjes me avantazhin e vetëm një goli, do të vinte, ndoshta aksioni më i bukur i gjithë ndeshjes, Vishkulli, Mustafaraj, E.Jaku dhe konkretizimi me gol nga Veliu, në një pozicion të prirët me portën e Kokiçit, 2-0. Dukej se me këtë rezultat, në pjesën e dytë do të ishte shumë më e vështirë për velipojaket e Fatmir Axhanit. Megjithatë përpak sa nuk ka ndodhur e kundërta. Ato, fillimisht shkurtojnë direfencën, shumë shpejt, në 2-1, me autore Tulen, edhe ky një aksion i bukur dhe më pas rrisin presionin në portën e Rripës, qëi afrohen disa herë barazimit, por më mjaft raste portierja e Juban-Danjës tregohet përcaktuese në rezultatin e ndeshjes, duke realizuar pritje vendimtare dhe te shkëlqyera, gjë e cila bën që skuadra e saj, të vazhdojë të ruajë avantazhin. Por presioni i skuadrës së Adës rritet. Megjithatë në momentin më të mirë të saj, do të ndëshkohej përsëri dhe përsëri nga një goditje këndi. Krosin e saktë të Vishkullit e shfrytëzon mjaft mirë Rrotani, që mes lojtareve kundërshtare, ndërhyn, duke shënuar një gol të bukur, në një pozicion të vështirë, 3-1. Me këtë rezultat dukej sikur për Jubanin gjithçka u bë e lehtë dhe punë e kryer, por kundërshtari nuk ishte dorëzuar, teksa fiton një 11-metërsh, të kontestuar dhe e kthen në gol Gruda. Gjithçka do të mbetej e hapur deri në fundin e takimit. Vërshëllima e fundit e Hoxhës, gëzon pa masë kampin e Juban Danjës, që “fluturojnë” në fushë nga gëzimi, ndërsa kampi i turret gjyqtarit kryesor, edhe duke e kërcënuar, por edhe duke e goditur, që sipas e ka mbyllur ndeshjen pesë minuta para kohe. Gjithsesi, fundi i kësaj ndeshjeje, me shifrat 3-2, ka nxjerrë fitues ekipin e Juban Danjës, që është ekipi i parë, i futbollit të femrave, që është formuar në Shqipëri. Meritë kanë të gjithë, në këtë sukses, futbollistet në radhë të parë, por më pas dhe trajneri Krepi me kolegun e tij, presidenti Jaku apo edhe donator Cani.

Kinostudio shpartallon “The Door” 7-0, por tani gjithçka në dorë të disiplinorit

Kinostudio- The Door 7-0

Kinostudio: Poçesta, Memeti (Dangu 54’), Kurti, Ismaili (Tota 7’), K.Çaushllari, Xhakola, Lala, Lulaj, Gjegji, Hamiti, Trimi. Trajner: Gëzim Gjonpali Në stolin e rezervave: Al.Çaaushllari, Avduli, Tota, Koldashi, Shabani, Dangu, Dyrmsa

The Door: Sh.Djegësina, Dulaj, Asllanaj, Stalaj, Piranaj, Hoxha, Prebibaj, Hallulli, Shega, M.Djegësina. Trajner: Ahmet Meta Në stolin e rezervave:Rusi, Hasanaj, Qoku

Gjyqtarë: Ed.Dyrmishi, En.Dyrmishi, Fatjon Maçi

Golat: Hamiti 17’, 45’, 66’, Kurti 22’, Lala 53’, Trimi 62’, Lulaj 73’

Kartona të verdhë: Memeti, K.Çaushllari

Pritej të ishte një ndeshje akoma më e fortë seç doli të në të vërtetë. Pavarsisht se skuadra “The Door”, është në rindërtim e sipër këtë sezon, ajo i surprizoi të gjithë, kur eleminoi në çerekfinale të Kupës, një prej skuadrave më të mira të vendit, Tiranën, me rezultatin 4-2. Kështu që dje, ndaj Kinostudios, të drejtuar nga Gëzim Gjonpalaj, ekipi shkodran nuk mendohej kurrsesi të dorëzohej në atë mënyrë, si i thonë pa kushte. Por ndodhë dhe kështu. Që të jetë vetëm një ditë e keqe për The Door të drejtuar nga Ahmet Meta dhe kjo ishte pikërisht dje, duke pësuar 7 gola, dy në pjesën e parë dhe 5 në të dytën. Megjithatë ka qenë një lojë korrekte dhe e pa kontestuar. Në fund ka ardhur dhe reklamimi i bërë nga presindenti i “The Door”, Kastriot Faci, duke i kërkuar Kimosionit të Disiplinës fitoren e në tavolinë, ndonëse është munduar thellësisht dje, nda ekipi i Kinostudios, që fitoi në fushën e lojës, me meritë. Tani, për finalisten tjetër, gjithçka i mbetet në dorë disiplinorit: Kinostudio apo “The Door”, do të jetë në finale, përballë Juban Danjës.
Mejdan ZHIVANI