Ish-futbollisti i kombëtares shqiptare, Redi Jupi, në studion e “Procesi Sportiv” është munduar që të ndërtojë një kombëtare ideale me futbollistë të përfaqësueses së Shqipërisë dhe Kosovës.
Ai ka bërë të qartë se e ka ndërtuar këtë ekip imagjinar në bazë të asaj që lojtarët kanë dhënë në edicionin e eliminatoreve.
“Në portë është Strakosha. Në të djathtë është Hysaj, në qendër për atë që kanë dhënë janë Rrahmani e Gjimshiti.
Në të majtë, meqë të dy ekipet kanë pasur probleme, unë do të kisha aktivizuar Ismajlin.
Në mesfushë do kisha Baren dhe Valon Berishën me Celinën. Përpara padyshim Rashica, Muriqi e Zeneli.
Si zëvendësues i një prej tyre mund të ishte Roshi. Trajner? Shaland patjetër, me diferencë”, tha Jupi. /vipsport/
