Jurgen Klopp u shfaq shumë i mërzitur pas humbjes së Liverpool në fushën e Brentford të hënën në Premier League (3-1). Trajneri i Reds kritikoi vendimet e arbitrave duke thënë se nuk ishte e mundur të flitej me ta.
“Është saktësisht sikur po flisni me furrën time me mikrovalë. Ju nuk merrni përgjigje, me të vërtetë. Është gjithmonë njësoj”, tha trajneri gjerman.
Pavarësisht një dominimi të qartë (73% posedim, 16 goditje ndaj 10, tre herë më shumë pasime të bëra), Liverpooli ra në fushën e stadiumit Gtech Community. Një pengesë që shkon shumë keq për trajnerin e tyre. Klopp beson se vendasit duhet të ishin ndëshkuar më shpesh për përplasjet në fushë.
Sipas tij, goli i tretë i Bryan Mbemo duhej të anullohej për faull.”Ne patëm një takim para sezonit – vazhdoi Klopp – në të cilin na thanë se gjyqtarët do t’i binin bilbilit për të sanksionuar këto sjellje, por për fat të keq ata nuk e bëjnë. Unë nuk pres asnjë vendim në favorin tonë.
Unë thjesht mendoj se një gabim është një gabim. Mbajtja është mbajtje dhe shtyrja është shtytje. Nëse shikoni situata të ndryshme, do të gjeni pesë faulle, por – përfundon ai – është aq kaotike sa askush nuk e sheh atë”.
