Ronaldo erdhi në një moshë të madhe te Juventusi dhe portugezi nuk premton shumë për të ardhmen, pavarësisht se ishte një investim shumë i madh për ekonominë e bardhezinjve.
Kështu, Paratiçi e Nedved kanë nisur prej kohësh punën për të sjellë në “Allianz Stadium” një prej talenteve më të mëdha të të rinjve të Brazilit.
Bëhet fjalë për Kaio Horge. 18-vjeçari është absolutisht më i miri i moshës së tij dhe ishte lojtari më i mirë i turneut, në Botërorin, që Seleçao e fitoi për grupmoshën U17. Sulmuesi ka luajtur 10 ndeshje me Brazilin U17 dhe ka arritur të shënojë plot 6 gola, ku pesë prej tyre i regjstron në Kupën e Botës.
Ai këtë sezon i është bashkuar ekipit të parë të Santosit dhe ka arritur të tregojë aftësi të jashtëzakonshme, që kanë bërë Juventusin të hidhet në sulm për të.
Presidenti i klubit brazilian ka konfirmuar bisedimet me Juventusin dhe ka pranuar se është pranë arritjes së marrëveshjes. Operacioni pritet të mbyllet për 30 milionë euro. /vipsport/
