Specialiste te ndryshem futbolli shpeshhere gjate ketyre muajve kane vene ne dyshim aftesite e disa prej lojtareve te huaj te ardhur te Vllaznia kete sezon. Kjo sepse ata nuk po japin asgje, nderkohe qe pritshmerite jane shume te medha.
Njeri prej tyre qe eshte kunder dhe ngre zerin per nivelin e tyre eshte Shkëlqim Muça. Ai ka qene i ftuar në emisionin “Rubrika Sportive”.
Teksa është folur mbi Vllazninë, Muça ka kritikuar Brdaric për mënyrën sesi e lexon lojën dhe për zëvendësimet që kryen. Gjithashtu ka pasur një kritikë të hapur për aktivizimin e Mustedanagic apo mungesave të hapësirave për Cobën.
“Vllaznia është në këtë mënyrë, kur fut lojtarë nga stoli, i bie loja. Kanë një lojtar me emrin Zidan dhe unë nuk e di se pse e fut trajneri atë. Sa herë që ai hyn në lojë është shumë katastrofë.
Vllaznia ka nja dy futbollistë që luajnë në këtë mënyrë. Unë nuk e di se përse nuk i besojnë Cobës, t’i japin më shumë hapësira. Duket sikur tek klubi duan të justifikojnë blerjet e tyre”, ka thënë Muça.
