Karriera e jashtëzakonshme e 38-vjeçarit Xheferson Luiz duket se do të vazhdojë ende, edhe pse deri tani ka ndërruar 36 ekipe.
Ai e ka nisur karrierën në moshën 17-vjeçare, kur për herë të parë luante për ekipin e Ajlesburi Junajtid në Angli. Në sy bie fakti se për sulmuesin 38-vjeçar asnjëherë nuk është paguar një transferim.
Në fundin ose në mesin e sezonit, ai është lënë i lirë nga ekipet e tij. Në një karrierë të gjatë dhe të pasur futbollistike, totali i golave të shënuar në karrierë nuk e kap shifrën 40.
Në këtë moshë shpesh futbollistët i përkushtohen familjes, ose ndoshta trajnimit, por Luiz është në kërkim të një ekipi të ri, që do të ishte i 37-ti për të.
Shprehja “siç ndërron mbreti gratë”, ndoshta tani duhet të bëhet “siç ndërron Luiz ekipet”. Rekordi për ekipet e shumta në karrierë mbahej nga Xhon Burixh, me 29 ekipe të ndryshme. /Vipsport/
