Që nga dita e sotme ka nisur shitja e biletave për ndeshjen Vllaznia- Luftëtari që do të luhet pasditen e nesërme në orën 14.00 në stadiumin “Loro Boriçi”. Nga ajo çfarë bën të ditur kompania që merret me shitjen dhe administrimin e tyre, këtë herë është vërejtur një interesim më imadh i tifozëve shkodranë dhe kjo vërehet tek numri i biletave të shitura gjatë ditës së sotme. Ndërkohë, mësohet se nesër sportelet do të jenë të hapura që nga ora 09.00 e mëngjesit.
Po ashtu, bëhet e ditur se çmimi i biletave edhe për këtë ndeshje është si çdo ndeshje tjetër. Kështu, në 80 për qind të stadiumit, një biletë do të kushtojë vetëm 2 mijë lekë të vjetra dhe bëhet fjalë për tribunat C, D dhe. Ndërkohë në tribunat A dhe B një biletë do të kushtojë sërish 5 mijë lekë ndërsa në tribunën VIP biletat do të kushtojnë 10 mijë lekë. Futbollistët e Vllaznisë por edhe stafi teknik, në çdo dalje publike të tyre edhe gjatë këtyre ditëve, i kanë bërë thirrje tifozëve për t’i mbështetur në sfidën e rëndësishme ndaj Luftëtarit dhe parashikohet që këtë herë numri i tyre pritet të jetë më i madh se herët e tjera.
© shkodrasport.com
