Superiorja rikthehet në mesjavë, ku janë planifikuar të zhvillohen katër duelet e vlefshme për javën e gjashtë. Dueli mes Erzenit dhe Skënderbeut do të ngrejë siparin e kësaj jave, me sfidën që do të luhet në stadiumin “Arena Egnatia”, prej orës 15:00, ndërkohë po të mërkurën në orën 18:00, Vllaznia pret në “Loro Boriçi”, kryesuesit e Egnatias.
Dita e mërkurë do të mbyllet me duelin Teuta-Kukësi që do të zhvillohet në orën 20:15 në “Niko Dovana” nën dritën e prozhektorëve. Dita e enjte rezervon një takim, atë mes Laçit dhe Dinamos, që do të startojë në orën 15:00.
Në javën e gjashtë, ishte planifikuar të zhvillohej edhe derbi mes Partizanit dhe Tiranës, por ky duel është për datë 19 tetor 2023, që t’i japë mundësi tifozëve të shumtë të të dy klubeve ta ndjekin ndeshjen në “Air Albania Stadium”.
AXHENDA E JAVËS SË GJASHTË:
E MËRKURË 27 SHTATOR
ERZENI-SKËNDERBEU ORA 15:00
VLLAZNIA-EGNATIA ORA 18:00
TEUTA-KUKËSI ORA 20:15
E ENJTE 28 SHTATOR
LAÇI-DINAMO ORA 15:00
PARTIZANI- TIRANA 19 tetor
