Kampionati i femrave ka zhvilluar sot ndeshjet e javës së tetë të tij, pikërisht ato që ishin planifikuar për t’u luajtur të shtunën e kaluar por që u shtynë për shkak të kushteve atmosferike në vend. Në ndeshjet e luajtura sot, vihet re një tjetër fitore e pastër e Vllaznisë kampione në fuqi. Ajo ka luajtur në Korçë ndaj Skënderbeut vendas dhe ka fituar me rezultatin 6-0. Sakaq, edhe skuadra tjetër pretendente, ajo e Kinostudios, ka arritur të fitojë.
Ajo ka mundur në Shkodër ekipin e Juban Danjes me rezultatin 6-2.Pas javës së tetë të kampionatit, Vllaznia dhe Kinostudio udhëheqin renditjen me pikë të barabarta nga 21 por duhet thënë se vajzat kuqeblu kanë luajtur shtatë ndeshje ndërsa ato të Kinostudios një ndeshje më shumë. Faza e parë e kampionatit do të mbyllet edhe me dy ndeshje të tjera të mbetura por në fakt ai do të ndërpritet për shkak të dy ndeshjeve miqësore që kombëtarja jonë do të zhvillojë këto ditë në Bullgari
© shkodrasport.com
